కాంక్రీటు అడవిలో ఒక చెట్టు

arif photo

 ఆరీఫ్ రజా 1983 డిసంబర్ 6,కర్ణాటక లోని రాయచూరు జిల్లా  దేవదుర్గ తాలూక లోని అరికేర లో జన్మించారు.ప్రస్తుతం ప్రాథమిక పాఠశాల ఉపాధ్యాయుడుగా ఉద్యోగం. ‘సైతానన ప్రవాది'( Prophet of Saitan -2006), ‘జంగమ ఫకీరన జోళీగె'( Satchel of the mendicant fakeer-2009),’బెంకిగె తొడిసిద బట్టె'( A raiment for fire- 2012)  సంకలనాలు ప్రకటించారు. ఆరీఫ్ కవితలు  జీవితపు సూక్ష్మ వివరాలతో  బాటు, మానవ సంబంధాల జటిలతను ప్రశ్నిస్తూ,ప్రేమ మరియు ధార్మిక/సామాజిక అంశాల గురించి మాట్లాడతాయి. ఆరీఫ్ 2006 లో ‘ కన్నడ పుస్తక ప్రాధికార అవార్డు’2009 లో ‘బేంద్రే పుస్తక అవార్డు’ మరియు ‘కన్నడ సాహిత్య పరిషత్ అవార్డు’ ప్రతిష్టాత్మకమైన ‘ప్రజావాణి దీపావళీ కావ్య స్పర్ధే’ అవార్డును పొందారు. ఆరీఫ్ కవితలు తెలుగు,తమిళ,తుళు,మలయాళం,పంజాబి,హింది, ఇంగ్లీష్,  స్పానిష్ భాషల్లోకి అనువాదమయ్యాయి. కన్నడ భాషలో 2013 కేంద్ర సాహిత్య యువ పురస్కార అవార్డు గ్రహిత.

*** 

 

నిద్రలో సంచరించే చెట్టు

రాత్రంతా సంచరించి

తన చోటుకొచ్చి నుంచుంది

 

రాత్రంతా కదలక

ఏ జ్ఞానోదయం కొరకు వేచి ఉంది

కొన్ని సార్లు వేర్లని వదలి

 

చెట్టు కనే కలలు 

రెండు రకాలు

పళ్లలా పుట్టి  మధురమవటం

ఆకుల్లా చిగురించి రాలటం

 

ఐనా అత్యవసర పరిస్తితులలో

లోహపు పక్షులు గుడ్లు పెట్టే

పీడకల కన్న చెట్టు

రాత్రంతా ఆకుల్లా కనవరిస్తుంది

దూరాన్నేక్కడో

రంపం శబ్దం వినిపిస్తుంది

నిలబడ్డట్టే చెట్టు వణుకుతుంది

 

మొట్ట మొదట చెట్టూ పూలు కాచినప్పుడు

నంగనాచిలా సిగ్గు పడిందేమో

ఎందుకంటే

గత జన్మలో ఆడపిల్లలా పుట్టినవారు

ఈ జన్మలో చెట్టులా పుడతారట.

 

అడవినుండి తప్పించుకొచ్చిన ఈ చెట్టు

ఈ లోకపు చివరి చెట్టు

పిలుస్తుంది

ఏ పక్షి దగ్గరికి రావట్లేదు

 

అడవి, కొండలు ,నది ,సముద్రం

వర్షం ,గాలి ,ఆకాశం , పక్షుల్ని  పోగొట్టుకుని

ఒంటరిదైన చెట్టు

దుమ్ము పట్టి ఎండిపోతుంది .

జీవితాంతం ఏండలో నిలబడి

 

అప్పుడప్పుడు చెట్టుకి గొడుగు పట్టే

కాంకీట్ అడవిలో

చెట్టు మాట్లాడుతుంది 

ఒక్క చెట్టు బాధని

చెట్టు సృష్టించలేని   మనిషి 

అర్థం చేసుకోలేడు.

 

తన అన్ని పంచేంద్రియాల్ని తెరిచి

పుడమి మీద ఎల్లప్పుడూ 

మెలుకువగా ఉంటుంది

ఒక చెట్టు 

కన్నడ మూలం: ఆరీఫ్ రజా

తెలుగు అనువాదం:  సృజన్

srujan123

Download PDF

1 Comment

Leave a Reply to mudiraja Cancel reply

Your email address will not be published. Required fields are marked *

Enable Google Transliteration.(To type in English, press Ctrl+g)