క్యూ

మడిపల్లి రాజ్‍కుమార్

మడిపల్లి రాజ్‍కుమార్

* * *

1

జన్మాంతరం లో

చీమనను కుంటాను

చిన్నప్పటినుంచి

ఎన్నిసార్లు ఎన్ని క్యూలో……

కాళ్ల వేళ్లకు వేళ్లు మొలిచి పాతుకు పోయి

ఏ మాత్రం కదలని క్యూలు

2

వాచిని చూచి చూచి

వాచి పోయిన కళ్ళతోనే

క్షణాలను మోసి మోసి

కూలబడి పోతున్న పిక్కలకు

అవసరాల కర్రలు మోపి నిలబెడుతూ

ఎన్నెన్నెన్నె…..న్ని క్యూలో….?

3

ఏ పనీ లేకుండా

మిగతావన్నీ వాయిదా వేసి

ఒకే ఒక్క అవసరానికో లక్ష్యానికో

సమస్తం నన్ను ముడివేసిన ఎదురుచూపు

నలిపి నలిపి ఎంత వడి పెట్టినా

ఎండి ఎడారిలా మారిన నాలోంచి

ఏం రాలుతుందని

4

నా వెనుక పెరిగిన

కొమ్ములు వొంకలు తిరిగిన వాళ్లు

నా భుజాలనెక్కి… తలనెక్కి…

వడివడిగా వాడిగా

మున్మున్ము…ముందుకే

నేను మాత్రం వెనక్కి వెనక్కి….. నక్కి….క్కి… నెట్టబడుతూ

5

పెరుగుతున్న

నా నావాళ్ల అవసరాలూ కోరికలనూ

ప్రాధాన్య క్రమంలో

క్యూలో నిలబెడుతూ

అప్పుడూ

నా అవసరాలను ప్రతి నిత్యమూ

వెనక్కి వెనక్కి….. నక్కి….క్కి… నెడుతూ

కోరికలను జన్మాంతరానికి

వాయిదా వేసుకుంటూ…

క్యూ లోనే

వెనక్కి వెనక్కి….. నక్కి….క్కి… నెట్టబడుతూ

- మడిపల్లి రాజ్‍కుమార్

Download PDF

7 Comments

  • knvmvarma says:

    చాలా బాగుంది …. మధ్యతరగతికి మరీ ఎక్కువ

  • dasaraju ramarao says:

    ముందుగా తరంగ లో నీ పోయెం వచ్చినందుకు అభినందనలు.ప్రాధాన్యాతా క్యూని పసిగట్టడం, కోరికలను జన్మాంతరానికి నెట్టివేయడం బాగుంది…కాస్త వ్యంగంగా కూడా …

  • Rammohan Rao says:

    ాజ్ కుమార్ గారు
    క్యూ పై అనుభవైకవెద్యమైన మధ్య తరగతి మనొవెదనని కవిత్వీకరిమ్చిన తీరు బాగుంది

  • MADIPLLI RAJ KUMAR says:

    థాంక్యూ రామ్మోహన్ రావ్ గారు.

  • shanthi says:

    చాలా బావుందండి..! మధ్య తరగతి బతుకు చిత్రాన్ని చక్కగా ఆవిష్కరించారు.

ఒక వ్యాఖ్యను

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)