మోహ దృశ్యం

hari 

జన్మ జన్మాల మోహాన్ని అంతా
నీలి మేఘం లో బంధించాను-
వాన జల్లై కురుస్తోంది
శతాబ్దాల ప్రేమనంతా
హిమాలయ శిఖరంపై నిలబెట్టాను -
జీవ నదియై పొంగుతోంది
అనంత సమయాల అభిమానమంతా
నేలపై ముగ్గులుగా వేసాను-
మొక్కై చిగుళ్ళేసింది
వేల కాలాల అనురాగాన్నంతా
చిటారు కొమ్మల్లో నిక్షిప్తం చేసాను-
పత్ర హరితమై పల్లవిస్తోంది
నీకై నిరీక్షణ నంతా
గాలిలోకి వెదజల్లాను-
పూల పరిమళమై గుబాళిస్తోంది
నువ్వు నిత్య సంజీవినీ మంత్రం
మళ్ళీ మళ్ళీ
నీ పెదవి పైకే నా పయనం
నువ్వు సచ్చిదానందం
ప్రవహించి, ఎగిరెళ్లి, ఘనీభవించి, ఆవిరై
మళ్ళీ మళ్ళీ
నీ ఒడిలోనే నా శయనం
-మామిడి హరికృష్ణ 
mamidi harikrishna
Download PDF

4 Comments

  • jagaddhatri says:

    చాలా రొమాంటిక్ గా ఉంది సర్ కంగ్రాట్స్ “ఆమె” అదృష్టవంతురాలు …ప్రేమతో జగతి

  • Gopala Bala Raju says:

    సర్, సాహిత్యంపై మీ ఊహా దృశ్యం మళ్లీ ఆవిష్కృతమైంది- 1992 లాల్ బహదూర్ రోజులు గుర్తొచాయి- మీ గోపాల బాలరాజు,

  • ashoke says:

    అనంతమైన ఆలోచనల్ని, ఊహల్ని అద్బుతంగా మోహ దృశ్యీకరించడం / అక్షరీకరించడం, కొందరికి మధుర జ్ఞాపకాల స్మరణ మరికొందరికి కొత్త ఊహల చిత్రీకరణ.. బాగుంది మిత్రమా!

  • harikrishna mamidi says:

    ధన్య వాదాలు జగద్ధాత్రి గారూ.. అవును నిజమే గోపాల బాల రాజు , మన కాలేజ్ రోజులలో మన కాలేజ్ మ్యాగజైన్ మళ్ళీ గుర్తు చేసినందుకు థాంక్స్… and thank u ashoke

Leave a Reply to jagaddhatri Cancel reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)