ఓ కప్పు సూర్యోదయం

picasso

 

 

 

 

 

 

 

తూర్పు కొండల్లో… రూపాయి కాసులా
పొద్దు పొడుచుకొస్తున్నప్పుడు
ఆమె… చీకటిని వెన్నెలను కలిపేసి
మిణుక్ మంటున్న నక్షత్రాలను
ఓ చెంచాడు పోసి
కప్పుడు సూర్యోదయాన్ని అతడికిస్తుంది
ఆ పొద్దంతా… అతని కంటిలో
మీగడ తరకలాంటి
ఆమె నవ్వు నిలచిపోతుంది

* * *

దరల మంటల్లో మండిన రూపాయి
పడమటి కొండల్లో పొద్దయి వాలుతున్నప్పుడు
ఆమె… కాసింత దుఃఖాన్ని పోసి
అదేపనిగా కన్నీరును కాచి
ఓ కప్పుడు చీకటిని అతడికిస్తుంది
ఆ రాత్రంతా…
వడలిన మల్లెమొగ్గలాంటి ఆ ఇంటిలో
విరిగిన పాల వాసనేస్తుంది

-మొయిద శ్రీనివాసరావు

Moida

Download PDF

24 Comments

  • Murali M. Mallareddy says:

    శ్రీను గారు…చాలా బావుంది!

  • చాలా బావుంది శ్రీనివాస్ గారు.

  • వాసుదేవ్ says:

    చిన్నదైనా సిసింద్రీలా వెలిగిందీ కవిత శ్రీనివాస్ గారూ…..ఎప్పటికీ గుర్తుండిపోయే కవితల్లో ఇదొకటవుతుంది. అభినందనలు.

  • బాగుంది శీను..అభినందనలతో

  • రెడ్డి రామకృష్ణ says:

    బాగుంది శ్రీనివాస రావుగారు .అభినందనలు.కానీ చిన్న సందేహం. మళ్లీ తెలవారుతున్దాలేదా! అని

    • srinivasrao says:

      Tappaka telavaarutundi ramakrishna gaaru. Ippudu manam chikatlo vunnam ani cheppalani naa prayatnam. Mi salahaalanu soochanalanu sadaa aasisthu

  • srinivasrao says:

    Spandinchina andariki danyawaadaalu

  • కవిత extraordinary గా ఉంది. మొదటి భాగం ఒక master piece. రెండవ సగం ఒకె.

  • kondreddy says:

    మంచి కవిత లోకమ్ ఎ రిగి రాచారు మిత్రమా

  • buchireddy gangula says:

    మంచి x.మంచి ..కవిత సర్

    ———————————————
    బుచ్చి రెడ్డి గంగుల

  • narayana sarma says:

    ఒక ప్రతీకని ఒకేవాతావరణంలో రెండు స్వభావాలతో వాడటం కొత్తగా కనిపిస్తుంది..ఒక సాధారణ సంఘటనను కళాత్మకంగా చిత్రించారు.సారాంశంగా చెప్పిన జీవితం అందులోని లేమికి సంబంధించిన ధ్వని..ఇవన్నీ కవితను ఉద్దీపితం చేస్తాయి.ఈ కాలానికి అభివ్యక్తి ఎంతగా గమనించదగ్గ స్థాయికి చేరుకుందో ఈ కవితను చూస్తే అర్థం అయిపోతుంది..

  • Thirupalu says:

    కష్ట సుఖాలను కలబోసి
    వాస్తవాన్ని రంగరించి
    కవితా చిత్రానిఉ వేవ్సారు.

  • Srinivasarao says:

    Thanks for one and all

  • sasi kala says:

    హార్ట్ టచింగ్ . నైస్ నారేషన్ .వ్రాస్తూ ఉండండి

  • balasudhakarmouli says:

    వైవిధ్యమైన కవిత. కొత్త రూపాన్ని తొడుక్కుంది. చాలా బాగుంది.

  • balasudhakarmouli says:

    మొదటి దాన్లో వొకసారి చీకటి ప్రస్థావన వచ్చింది కాబట్టి.. నేను కవితను చదువుకునేటప్పుడు రెండో దాన్లో మళ్లీ చీకటి అని కాకుండా యింకోటి అదే భావాన్ని ధ్వనించేట్టు… వుంటే బాగుణ్ణనిపించింది.

    • Srinivasarao says:

      మిత్రమా చీకటిని డికాషన్ కి ఇండికేషన్ గా వాడాను. అక్కడ చీకటికి బదులు ఏ పదం బావుంటుందో సూచన చేయగలవు. దన్యవాదాలు

  • Srinivasarao says:

    మీరు మీ అభిప్రాయాన్ని ప్రకటించారు. అలాగే ఎందుకు ప్రకటించారని నేను ఎలా అనగలను మిత్రమా ం

  • Narayana says:

    రోజూ చూసే సూర్యుడినీ, చుక్కల్నీ, చీకటిని,

    మానవ సంబంధాల్లోని ప్రేమ ఆప్యాయతల నిర్వచనానికి పొదుపుగా విలువగా ఉపయోగించేసుకున్నారు.

    వాటిని అంతర్లీనంగా శాసిస్తున్న అర్ధికాన్ని చెప్పకనే నొక్కి చెప్పారు.

    చక్కనైన చిక్కనైన కవిత.

    అభినందన చందనాలు శ్రీనివాసరావు గారు.

    నారాయణ గరిమెళ్ళ.

  • Srinivasarao says:

    మిత్రులారా నా ఈ చిన్న కవితకి మీ అమూల్యమైన అభిప్రాయాలను సూచనలను చేసి నన్ను ప్రోత్సహించినందుకు మరొకసారి మీ అందరికి దన్యవాధాలను తెలుపుకుంటున్నాను. కాని కవికి ఆశావాహ దృక్పధం తప్పనిసరిగా వుండాలి అది అతని కవితలలో ప్రతిఫలించాలి అన్నది నా అభిప్రాయం కాని నా ఈ కవిత నెగిటివ్ గా ముగిసింది. కావున పొజటివ్ గా ముగిసి వుండాలన్నది నా అభిప్రాయం కూడా. లేదా రెండవ బాగం మొదటిదిగా మొదటి భాగం రెండవదిగా వున్నా బాగున్ననిపించింది. ఈ విషయాలపై మరింత జాగ్రత్తగా మెలగాల్సిన అవసరం వుంది. అలగే రామక్రిష్ణ మౌలి మరికొందరి మిత్రుల సలహాలను తప్పక ద్రుష్టిలో వుంచుకుంటానని తెలియజేస్తూ…

Leave a Reply to బొల్లోజు బాబా Cancel reply

Your email address will not be published. Required fields are marked *

Enable Google Transliteration.(To type in English, press Ctrl+g)